स्थानीय तह उपनिर्वाचनया मतदान सुरु जुगु दु। मतदान केन्द्रया जःखः नेपाली सेनां गस्ती यानाच्वंगु दु।

थौ येँया किपू नगरपालिकाया मेयर नाप वडा नम्बर १ व ४ या वडा अध्यक्ष व येँ महानगरपालिकाया वडा नं १६ अध्यक्ष पदय् उपनिर्वाचन जुयाच्वंगु खः। सुथया ७  बजे निसे सुरु जुइगु मतदान सनिलया ५ बजेतक जुइ धका निर्वाचन आयोगं धाःगु दु।

सुरक्षाया न्हापागु घेराय् नेपाल प्रहरीयात व वयालिपा सशस्त्र प्रहरी नाप दकलय् लिपा नेपाली सेना सुरक्षा बियाच्वंगु दु।

थौ नगरपालिका प्रमुख छम्ह, उपप्रमुख छम्ह, गाउँपालिका अध्यक्ष निम्ह, उपाध्यक्ष प्यम्ह व वडाध्यक्ष ३३ याना ४१ पदय् उपनिर्वाचन जुइत्यःगु खः। उपनिर्वाचनय् थीथी २० राजनीतिक दल व स्वतन्त्र यान ३७६ म्ह उम्मेदवारपिन्स प्रतिस्पर्धा यानाच्वंगु खः।

Categorized in राष्ट्रिय