सोमवाः सेयर बजाःया परिसूचक नेप्से १९.९७ ल्याखं थहावना २७५८ य् कायम जूगु दु।कारोबार रकम धाःसा साढे १० अर्ब स्वया अप्पो थ्यःगु दु।

म्हिगः ८ अर्ब ८३ करोडया कारोबार जूगुलि थौ १० अर्ब ५४ करोडको थ्यःगु दु। १२६ गु कम्पनीया भाः थहावंगुलि ११२ गु कम्पनीया भाः कुहावंगु दु सा न्यागू कम्पनी स्थिर जूगु दु। म्हिगः विकास बैंक समूहय् लगानीकर्तापि आकर्षण खःगु सा थौ सोमवाः धाःसा होटल व पर्यटन सेक्टरया कम्पनीइ आकर्षण जूगु दु।

थुगु समूहया सूचक ४.९९ प्रतिशतं थहावंगु दु। विशाल बजार कम्पनी १० प्रतिशत भाः थहावंगुलि व्यापार सेक्टर ९.७ प्रतिशतं थहावःगु खः। हाइड्रोपावर ०.६२, लगानी ०.६०, जीवन बीमा १.९१, उत्पादन ०.१५, माइक्रोफाइनान्स ०.१५, निर्जीवन बीमा ०.२० प्रतिशतं थहावंगु खः।मेमेगु ०.३६, फाइनान्स १.९७, विकास बैंक १.७२ व बैंकिङ समूह ०.५९ प्रतिशतं कुहापवंगु खः।

विशाल बजार कम्पनी, तारागाउँ रिजेन्सी, खानीखोला हाइड्रोपावर, जोशी हाइड्रोपावर व अपर स्याङ्गे हाइड्रोपावरया भाः १० प्रतिशतं थहावंगु खः। लाइफ इन्स्योरेन्स कर्पोरेसनया ९.३६, अपर लाहोरेखोला ९.१९, ओरियन्टल होटल ७.८ व रिभर फल्स पावर ७.५ प्रतिशतं थहावंगु खः। नेपाल फाइनान्स ८.७, गुराँस लघुवित्त ७.७, विन नेपाल लघुवित्तक ६ प्रतिशत कुहावःगु दु।

कारोबार रकमया आधारय् नेपाल फाइनान्स, ङादी ग्रूप पावर, जानाकी फाइनान्स, एनआरएन इन्फ्रास्ट्रक्चर व एक्सल डेभलपमेन्ट बैंक न्ह्यने खने दुगु दु।

Categorized in राष्ट्रिय