कैलालीया भजनी नगरपालिका–५ कौवाखेडा लागां छगू करौड स्वयाः अप्वः लुँ व विदेशी मुद्रानापं स्वम्हेसित ज्वंगु दु।

सशस्त्र प्रहरी बलया सहप्रवक्ता प्रहरी नायब उपरीक्षक शैलेन्द्र थापाया कथं सुर्खेतया चौकुनी गाउँपालिका–१० या ३६ दँया महेन्द्रबहादुर शाही, व हे जिल्लाया वीरेन्द्रनगर नगरपालिका–१ या ३१ दँया हर्कबहादुर विक व पञ्चपुरी नगरपालिका–११ या ३२ दँया महेश सुनारयात वंगु चान्हय् ज्वंगु खः।

भारतपाखें वपिं उमिगुपाखें ८० लख ७९ द्वः न्यासः व ६१ तका बराबरया ६२० ग्राम लुँ, १५ लख २८ द्वः प्यसः व ६० तका बराबरया ८ किलो ९१४ ग्राम वहः व थीथी दरया खुगू लख ११ द्वः खुसः व २५ तका भारतीय मुद्रा, साउदी रियाल बरामद जूगु खः।

उकथं हे थीथी ताःजिया प्यंगः मोबाइल व वहःया लेप तयातःगु भारा नं इमिके लुइकूगुु दु।(रासस) 

Categorized in अपराध