प्रधानमन्त्री केपी शर्मा ओलीें नगर प्रहरी वनिइगु इलय् जनता आतंकित जुइगु अवस्था वये मज्यु धका धयादीगु दु।

मंगलवाः यल महानगरपालिकाया स्थापना दिवसय् जुगु ज्याझ्वलय् सम्बोधन यायेगु झ्वलय् वयकलं यलया नगर प्रहरी याःगु प्रशंसा तक यानादीगु खः। जनप्रतिनिधि व कर्मचारी तय्स घमण्ड व तनाव मकासे सेवाभावं ज्या यायेमाः धका प्रधानमन्त्री ओलीं धयादीगु खः। ‘नगर प्रहरी खनेगु इलय् जनतां रक्षक वःगु कथं कायेमाः।

नगर प्रहरी वइगु इलय् जनता थःगु सामान याकन याकन सूचका बिस्यू वने म्वालेमाः थज्या आतंक याःगु अवस्था जुइमज्यु,’ प्रधानमन्त्री ओलीं धयादीगु दु। वयकलं जनप्रतिनिधिं शासक व हाकिम खः धका धायेगु प्रवृत्ति ल्वमकेमाः धका धयादीगु खः।

अथेहे वयकलं व्यवस्था हिल, अवस्था मह्यू धइगु भ्रम फैलै यानाच्वपि पाखे सचेत जुइत इनाप यासे प्रधानमन्त्री ओलीं देशय् व्यवस्था हिले धुका पूर्वाधार विकास व रोजगारी अप्पोया यक्को हे त तधःगु उद्योग सञ्चालनय् वःगु न दाबी यानादीगु दु।

Categorized in राष्ट्रिय