उपराष्ट्रपति रामसहायप्रसाद यादवं तमु ल्होसार÷ल्होछारं सांस्कृतिक महत्वयात अझं चकंका बिइत ग्वाहालि याइगु भलसा कयादीगु दु। नेपाःया आदिवासी तमु (गुरुङ) समुदायया तःनखः तमु ल्होसार / छार व हिमाली लागाय् च्वनीपिं शेर्पा, लामा समुदायनं न्यायेकीगु तःनखः तोल ल्होसार/ल्होछारया लसताय् थौं भिंतुना बियादिया वय्कलं थथे भलसा कयादीगु खः।

अथेहे उपराष्ट्रपति यादवं तोल ल्होसारया नं भिंतुना देछानादीगु दु । थुगुसि पुस १६ गते (पुस शुक्ल पारु कुन्हु) हिमाली लागा हुम्लाया सिमकोट व नाम्खा गांनिसें डोल्पा, मुगु, मनाङ, जुम्लालिसेंया जिल्लाय् च्वनाच्वंपिं लामा, शेर्पानापंया समुदायनं न्हूदँ कथं तोल ल्होसार झःझः धायेक न्यायेका वयाच्वंगु दु ।

“झीगु नखः चखः नं समुदायया भाय्, तजिलजि, वसः व रीतिरिवाजयात म्वाका तयाः नेपाःया सांस्कृतिक विविधताया संरक्षणय् महत्वगु भुमिका बिइगु याइ, नखःयात पर्यटननाप स्वानाः प्रवद्र्धन यायेगु कुतः याना नेपाःया पर्यटन ख्यःलय् सकारात्मक ऊर्जा तने माःगु दु”, वय्कलं धयादिल।

Categorized in राष्ट्रिय