पेट्रोलियम पदार्थया भाः थहावःगु दु। नेपाल आयल निगमं थौ चान्ह्यः निसे लागु जुइगु कथं पेट्रोलय् छतका व डिजेलय् नितका थकाउगु दु। हवाई इन्धनया धाःसा कुहावःगु दु।

आन्तरिक हवाई इन्धनया भाः किलोलिटर नितका व अन्तर्राष्ट्रिय हवाई इन्धनया किलोलिटरं १५ डलर घटे याःगु दु। न्हुगु भाः कथं स्वनिगलय् व पोखराय् पेट्रोल लिटरं सच्छिव खुइस्वतका, सुर्खेत व दाङय् सच्छि व खुइनितका भाः तउगु दु।

अथेहे डिजेलया भाः स्वनिगलय् व पोखराय् लिटरं सच्छि व न्यय् न्यातका, सुर्खेत व दाङय् सच्छि व न्यय् नितका तःगु दु। आन्तरिक हवाई इन्धन लिटर १२६ तका व अन्तर्राष्ट्रिय हवाई इन्धनया येँय् ९६०, पोखराय् ७९३ व भैरहवाय् ७७८ अमेरिकी डलर कायम याःगु दु।

Categorized in राष्ट्रिय