वइगु माघ १ गते निसे राष्ट्रिय परिचयपत्रया आधारय् न बैङ्क व वित्तीय संस्थाय् खाता चाय्के फइगु जुगु दु।

थ्व स्वया न्ह्यः बैङ्क खाता चाय्केगु निति नागरिकता अनिवार्य माःगु खःसा आः राष्ट्रिय परिचयपत्र वा उकिया आधारय् न खाता चायेके फइगु जुगु दु। नेपाल राष्ट्र बैङ्कं राष्ट्रिय परिचयपत्र व उकिया नम्बर याःगु आधारय् खाता चायेकेत बैङ्क नाप वित्तीय संस्था, पूर्वाधार विकास बैंक व लघुवित्त वित्तीय संस्थायात परिपत्र जारी याये धुकुगु दुु।

राष्ट्र बैङ्कया सहायक सूचना अधिकारी डा.भागवत आचार्यया कथं बैङ्क खाता चायेकेत राष्ट्रिय परिचयपत्र अनिवार्य मखु, आधिकारिकता बिउगु खः।

Categorized in राष्ट्रिय