साहित्यिक पत्रकार संघं नेपाल प्रेस काउन्सिल नेपालया अध्यक्ष बालकृष्ण बस्नेतयात हिमडमरु उपाधिपाखे सम्मान याःगु दु।

हिमाल नाप पर्यावरण बच्चे यायेगु व जलवायु ह्यूपाःपाखे असरब  जुइगुलि सचेत यायेगु निति पत्रकारिता ख्यल योगदान यागुलि संघं बस्नेतयात हंगु खः। साहित्यकार रोचक घिमिरे, कलाकार मदनदास श्रेष्ठ, सगरमाथा आरोही तेम्बाछिरी शेर्पासहितं अध्यक्ष बस्नेतयात दोसल्ला, स्वामा नाप हनापौ लःल्हागु खः।

सम्मानित बस्नेतं हिमाल व पर्यावरण जोगे याये फत धाःसा जक पृथ्वी ल्यना च्वनिइ धका पत्रकारिता पाखे केन्द्रित जुइमाः धका धयादीगु खः। सगरमाथा आरोही तेम्बाछिरी शेर्पांं हिमाली क्षेत्रय् बस्नेतं अध्ययन व रुचि दुगु उल्लेख यानादीसे थः न नापं ज्या यानागु अनुभव न्यकादीगु खः।

संघया अध्यक्ष राधेश्याम लेकाली, कलाकार श्रेष्ठ, साहित्यकारपि घिमिरे, प्रमोद प्रधान, श्रीओम श्रेष्ठ, ठाकुर बेल्वासे, नरेन्द्र श्रेष्ठ, विमल भौकाजीपिन्स न साहित्य व पत्रकारितापाखे पर्यावरण बचे यायेमाःगुलि बः बियादीगु खः।

Categorized in राष्ट्रिय