भारतया उडिसा राज्यय् च्वंगु कलिङ्गा इन्स्टिच्युट अफ इन्डस्ट्रियल ट्रेक्नोलोजी (केआइआइटी)इ ब्वनाच्वंपिं सच्छि व ५९ म्ह विद्यार्थी रक्सौल जुयाः स्वदेश लिहा वःगु दु।

केआइआइटीइ ब्वनाच्वंम्ह विद्यार्थी प्रकृति लम्साल शङ्कास्पद जुइक सी धुंकाः दना वःगु विषम परिस्थितिया हुनिं इपिं स्वदेश लिहाँवःगु खः।

पर्साया सहायक प्रमुख जिल्ला अधिकारी सुमनकुमार कार्कीया कथं बिहीबाः बहनी सच्छि व ५९ म्ह विद्यार्थी रक्सौल जुयाः स्वदेश लिहाँवःगु खः।

बिहीबाः बहनी हे वीरगञ्जया युवा तय्सं लम्साल व सिरहाय् बलात्कारलिपा स्याःम्ह रिन्कु सदायात न्याय दयेमाःगु माग यानाः मैनबत्ती जुलुस पिकाःगु खः।

लम्साल व सदाया अस्वाभाविक कथं सीगुलिं न्यायिक छानबिन जुइमाःगु इमिगु माग खः।

Categorized in राष्ट्रिय