सरकारं छगु प्रकृतिकाया ज्याया निति स्थापना जूगु बिस्क बिस्क संरचना छ थाय् तयेगु, खारेज यायेगु वा हस्तान्तरण यायेगु सम्बन्धी अध्ययन प्रतिवेदन, २०८१ न सिफारिस याःगु सुझावयात कार्यान्वयन यायेगु निति सुझाव कार्यान्वयन उच्चस्तरीय कार्यदल गठन यायेगु निर्णय याःगु दु।

फागुन ६ गते च्वंगु मन्त्रीपरिषदया बैठकं उगु निर्णय याःगु खः। सञ्चार लिसे सूचना प्रविधिमन्त्री पृथ्वीसुब्बा गुरुङं फागुन ६ गते च्वंगु मन्त्रीपरिषदया बैठकं याःगु निर्णय बिहीवाः मन्त्रालयं सार्वजनिक यानादीसे उगु जानकारी बियादीगु खः। प्रधानमन्त्री लिसे मन्त्रीपरिषदया कार्यालयया सचिव याःगु संयोजकत्वय् उगु कार्यदल गठन याःगु खः।

अथे उगु समितिं उच्चस्तरीय आर्थिक सुधार सुझाव आयोग, २०८१ व सार्वजनिक खर्च पुनरवलोकन आयोग, २०७५ न सिफारिस याःगु सुझावया कार्यान्वयन याइ। बैठकं २०८२ साल वैशाख १ निसे चैत मसान्ततक बिइगु  सार्वजनिक बिदा व कार्यालय ई निर्धारण यायेगु व उकिया सूचं नेपाल राजपत्रय् प्रकाशन यायेगु निर्णय याःगु सरकारया प्रवक्ता तक जुयादीम्ह मन्त्री गुरुङं जानकारी बियादीगु दु।

Categorized in राष्ट्रिय