साहित्यकार मोती शोभा श्रेष्ठ च्वयादीगु प्यंगु कृति लोकार्पण जूगु दु।उगु कृति नेपाली भाषाय् ‘अल्झिएका धागाहरु’ बाखं संग्रह, ‘फूलबारी’ लघुउपन्यास, नेपाल भाषााया ‘घुटु चियाया’ बाखं संग्रह व अंग्रेजी भाषाय् ‘नेचर’ या लघु उपन्यास लोकार्पण जुगु खः।

ज्याझ्वलय् पूर्वमन्त्री लिसे साहित्यकार शंकर प्रसाद कोइराला, वरिष्ठ साहित्यकार लिसे जनमत प्रकाशनया अध्यक्ष मोहन दुवाल, बाखं च्वमी भागीरथी श्रेष्ठ लोचन तारा तुलाधर, साहित्यकारपि शैलेन्द्र साकार, लक्ष्मी माली, जलेश्वरी श्रेष्ठ, शाक्य सुरेन, रमेश तुफान, ज्ञानेन्द्र विवशपिनिगु ब्बति दुगु खः। साहित्यकारपि शंकर कोइराला, मोहन दुवाल, लोचन तारा तुलाधरपिन्स उलेज्या यानादीगु खः।

साहित्यकार मोती शोभा श्रेष्ठया ‘अल्झिएका धागाहरु’ य् ५० गु बाखं दुथ्याःगु दु सा ‘रंगीचंगी फूलहरुले सजिएको फूलबारी’ लघु उपन्यासय् पारिवारिक सद्भाव, समन्वय, थःम्ह थः मेलमिलाप व सकारात्मक बिचाःयात मू विषय दयका तःगु खः।

नेपाल भाषाया प्रकाशित ‘घुटु चियाया’ बाखं संग्रहय् ६० गु बाखं दुथ्याका तःगु खःसा अंग्रेजी भाषां प्रकाशित जूगु ‘नेचर’ शीर्षकया लघु उपन्यासमा प्रकृति मतिना नाप नेवाः समुदायया संस्कृति व रीतिरिवाजय् च्वयादीगु खः।

Categorized in राष्ट्रिय