च्याम्पियन्स ट्रफीइ न्युजिल्याण्ड समूह चरणया लिपागु कासा न्ह्यः हे सेमिफाइनल थ्यःगु दु। म्हिगः जुगु कासाय् बङ्गलादेशयात न्यागु विकेटं पराजित यासे न्युजिल्याण्ड सेमिफाइनलय् थ्यःगु दु।

समूह ‘ए’ पाखे भारत न सेमिफाइनल् थ्यके धुकुगु दु। मेगु कासा न्युजिल्याण्ड व भारत दथुइ जुइ। बङ्गलादेश व पाकिस्तान छगु कासा न्ह्यः हे पिहावने माःगु दु। म्हिगः जुगु कासाय् बङ्गलादेशं बिउगु २ सय ३७ रनया लक्ष्य न्युजिल्याण्डं ४६ ओभर १ बलय् ५ विकेटय् पूरा याःगु खः।

न्युजिल्याण्डया निति रचिन रविन्द्रं दकलय् अप्पो १ सय १२ रन दयकूगु खः। बङ्गलादेशया निति रिषद होसैन, नहिद राना, मुस्ताफिजुर रहमान व तस्किन अहमदपिन्स छगु छगु विकेट काःगु खः।

कासाय् टस बूया पाकिस्तानया रावलपिण्डी अन्तर्राष्ट्रिय क्रिकेट स्टेडियमय् न्हापां ब्याटिङ यागु बङ्गलादेशं निर्धारित ५० ओभरय् ९ विकेटय् २ सय ३६ रन दयकूगु खः।

बङ्गलादेशया निति कप्तान नजमुल हसन शान्ता न दकलय् अप्पो ७७ रन दयकूगु खः। न्युजिल्याण्डया माइकल ब्रेसवेल न ४, विल ओरोकं २ नाप कायल जेमिन्सन व म्याट हेनरीपिन्स छगु छगु विकेट काःगु खः।

Categorized in कासा