सरकारं मन्त्रिपरिषद् बैठकया निर्णय सार्वजनिक याःगु दु। मङ्गलवाः सरकारया प्रवक्ता नाप सञ्चार लिसे सूचना प्रविधिमन्त्री पृथ्वीसुब्बा गुरुङं पत्रकार सम्मेलन यानादीसे फागुन १२ गते मन्त्रिपरिषद् बैठकया १५ गु निर्णय सार्वजनिक याःगु दु।

मन्त्री परिषदया बैठकं नेपाली सेनाया महासेनानी पदय् छम्ह व सहायक रथी पदय् छम्हेसित बढुवा याःगु दु। नापं सरकारं छम्ह महासेनानी, निम्ह सहायक रथी व छम्ह उपरथीया पदावधि थप याःगु दु।

सरकारं कृषि लिसे पशुपंक्षी विकास मन्त्रालय (पशुपंक्षी विकास) भौतिक पूर्वाधार लिसे यातायात मन्त्रालय, शिक्षा, विज्ञान लिसे प्रविधि मन्त्रालय (शिक्षा) व स्वास्थ्य लिसे जनसंख्या मन्त्रालयया सचिवया वैदेशिक भ्रमण स्वीकृत यायेगु निर्णय याःगु दु।

नेपाल बीमा प्राधिकरणया अध्यक्ष पदय् शरद ओझा, कञ्चनपुरयात नियुक्त याःगु दु।

 

Categorized in राष्ट्रिय