अमेरिकाया राष्ट्रपति डोनाल्ड ट्रम्पया इतिहासया ज्ञानयात कयाः न्ह्यसः तयादीम्ह न्युजिल्याण्डया राजदूतयात बर्खास्त याःगु दु।

बेलायतया निंतिं न्युजिल्याण्डया राजदूत फिल गोफं मंगलवाः रुस व अमेरिका दथुइ जूगु सम्झौतायात सन् १९३८ या म्युनिख सम्झौतालिसे तुलना यानादीगु खः। उगु सम्झौता कथं हिटलरं चेकोस्लोभाकियाया छुं ब्बः काःगु खः।

न्युजिल्याण्डया विदेशमन्त्री विन्सटन पिटर्सं उगु वक्तव्यया आलोचना यासें थ्व ‘तसकं निराशाजनक’ धापू जुगुलि पदय् च्वनेमज्यूगु धाःगु बेलायती विश्व च्यानल बीबीसीं जानकारी ब्यूगु दु। परराष्ट्रमन्त्री पिटर्सं राजदूतया धापू न्युजिल्याण्ड सरकारया धापू मखुगु धाःगु दु।

गोफ न्यूजिल्याण्डया राजनीतिज्ञ सन् २०२३ निसें बेलायतया निंतिं राजदूत जुयादी। बीबीसीं वय्कलं न्युजिल्याण्डया दकलय् तःधंगु शहर अकल्याण्डया निगु कार्यकाल मेयर जुयादीम्ह खः।

Categorized in अन्तर्राष्ट्रिय