लोकह्वाम्ह साहित्यकार लीलबहादुर क्षेत्री मन्त। सन् १९३३ मार्च १ य् भारतया गुवाहाटी टकौबारीइ अबु प्रेमबहादुर व मा पवित्राया सन्तान कथं बुम्ह क्षेत्री ९३ दँय् चान्ह्यः मदुगु खः।

विद्यालय इलय् हे साहित्य साधना यानादीम्ह क्षेत्रीया न्हापागु प्रकाशित चिनाखँ ‘शिवस्तुति’ १६ दँय् प्रकाशित जूगु खःसा न्हापागु उपन्यास ‘बसाइँ’ २४ दँय् सन् १९५७ य् प्रकाशित जुगु खः।

‘बसाइँ’ उपन्यास भारतं पिहावःगु उपन्यास खः। थुगु नेपाली आख्यान साहित्यय् दकलय् अप्पो ब्बःगु व लोकह्वाःगु नाप प्रकाशित उपन्यास खः।वयकलं ‘अतृप्त’, ‘ब्रह्मपुत्रको छेउछाउ’, ‘प्रतिध्वनिहरू विस्मृतिका’ लगायतया उपन्यास च्वयादीगु खः। ‘लीलबहादुर कथाहरू’ व ‘छरिएको बिस्कुन’ न च्वयादीगु दु।

Categorized in राष्ट्रिय