प्रतिपक्षी दलं प्रधानमन्त्रीया लिसः माग यासें प्रतिनिधिसभाया थौंया बैठक अवरुद्ध याःगु दु। सभामुख देवराज घिमिरें सभाया थौंया बैठक न्ह्यायेवं प्रतिपक्षी दलया सांसदपि दनाः विरोध याःगु खः।

सभामुख घिमिरें नेकपा (माओवादी केन्द्र)या सांसद शक्तिबहादुर बस्नेतयात न्वंवायेत ई बियादीगु खः। सांसद बस्नेतं हिलावंगु परिस्थितियात सरकारं वास्ता मयाःसे स्वार्थ पुचः नापं विचौलिया तय्ग हितया निंतिं वनाः नेपाल विद्युत् प्राधिकरणया कार्यकारी निर्देशकयात चीकूगु धकाः धयादिल।

प्राधिकरणया कार्यकारी निर्देशक कुलमान घिसिङयात चीकेगु निर्णय लितः कायेमाः धयादिसें थुगु विषयय् प्रधानमन्त्रीं लिसः बिइमाः धका धयादिल। सांसद बस्नेतं थःगु धापू तये क्वचायेवं प्रतिपक्षी सांसदतय्सं हाकनं दनाः विरोध याःगु खः।

Categorized in राजनीति