नेपाल राष्ट्र बैंकया वरिष्ठ डेपुटी गभर्नर निलम ढुङ्गाना तिम्सिनायात कायममुकायम गभर्नरया भाला ब्यूगु दु। गभर्नर नियुक्तया निंतिं गठित सिफारिस समितिं नाः सिफारिस यायेत लिबाकाब्युबलय् अर्थ मन्त्रालयं तिम्सिनायात उगु भाला ब्यूगु खः।

नेपाल राष्ट्र बैङ्क ऐन २०५८ या दफा २७ बमोजिम उपप्रधानमन्त्री लिसें अर्थमन्त्री विष्णुप्रसाद पौडेलं ढुङ्गानायात कायममुकायम गभर्नरया भाला ब्यूगु धकाः वय्कःया सचिवालयं धाःगु दु।

गभर्नर नियुक्ति सिफारिस यायेया निंतिं अर्थमन्त्री पौडेलया संयोजकत्वय् पूलांम्ह गभर्नर विजयनाथ भट्टराई व अर्थविद् विश्व पौडेल लिसेंया स्वम्ह दुजःतय् समिति गठन जूगु दु।

Categorized in राष्ट्रिय