भाषा आयोगया नायः माननीय डा. गोपाल ठाकुरं भाषा आयोगं यानाः वयाच्वंगु थीथी ज्याया जानकारी नेवाः न्ह्यलुवाःपिंत बियादीगु दु।

येँया नेपाः ब्यांक्वेटय् नेवाः न्ह्यलुवाःत लिसे जूगु सहलह ज्याझ्वलय् वय्कलं जानकारी बिसें नेपाःया फुक्क भाषायात संरक्षण व राज्यस्तरय् छ्यलेगु नितिं भाषा आयोगं थीथी कथंया ज्या यानाच्वंगु खँ धयादीगु खः।

नेवाः न्ह्यलुवाः मल्ल के सुन्दरं भाषा आयोगं नेपालय् जुइगु भाषिक हिंसायात कयाः भाषा आयोगं अध्ययन यायेमाःगु विचाः प्वंकादीगु खः।

ज्याझ्वलय् भाषा आयोगया दुजः माननीय सुरेशकिरण मानन्धरं लसकुस यानादीगु ज्याझ्वलय् नेवाः न्ह्यलुवाःपिं हितकरवीर सिं कंसाकार, डा. महेशमान श्रेष्ठ, पुलांम्ह मन्त्री भिमसेनदास प्रधान, पुलांम्ह राज्यमन्त्री दिलीप महर्जन, प्रदेशसभाया सांसदलिसें पुलांम्ह मन्त्री शैलेन्द्रमान वज्राचार्य, येँ महानगरपालिकाया पुलांम्ह मेयर विद्यासुन्दर शाक्य, शिक्षाविद् विष्णु चित्रकार, नेवाः मुक्ति मोर्चाया नायः उमेश स्थापित, नेवाः देय् दबूया नायः पवित्र वज्राचार्य, देय् दबूया संरक्षक नरेश ताम्राकार, देय् दबूया मूछ्याञ्जे सत्यनारायण डंगोललिसें थीथी खलः पुचःया प्रतिनिधिपिं उपस्थित दुगु खः।

Categorized in राष्ट्रिय