येँ महानगरपालिकाया प्रमुख बालेन्द्र शाह थःम्हेसिया याःगु निर्णयपाखे हटे जूगु दु।

जेठ १ गते बालेनं सूचना प्रविधि समिति संयोजक नवीन मानन्धर, सुशासन समिति संयोजक ख्यामराज तिवारी, सम्पदा लिसे पर्यटन समिति संयोजक आशामान संगत व विधायन समिति संयोजक मचाराजा महर्जनयात जिम्मेवारीपाखे चिइकूगु खः।

उगु निर्णययात कया वडा अध्यक्ष तय्स विरोध याःगु खः। उगु निर्णय आः मेयर शाह हटे जूगु दु धका छम्ह वडाध्यक्षं धाःगु दु।

उमिगु थासय् सूचना प्रविधि समिति संयोजक एमालेपाखे निर्वाचित वडाध्यक्ष वीरेन्द्र प्रजापति, कांग्रेसपाखे निर्वाचित वडाध्यक्ष दलबहादुर कार्कीयात सुशासन समिति संयोजक, सम्पदा लिसे पर्यटन समितिया संयोजकय् कांग्रेसपाखे निर्वाचित विनोदकुमार राजभण्डारी व विधायन समितिइ रास्वपापाखे निर्वाचित रोजिना श्रेष्ठयात संयोजकया जिम्मेवारी ब्यूगु खः।

Categorized in राष्ट्रिय