नेवाः हाइकु ख्यःया न्यादँ बुदिंया लसताय् कोपुण्डोलया साटोआकि स्मृति भवनय् छगू समारोहया दथुइ “नेवाःहाइकु हना” व “नेवाःहाइकु वाचन” ज्याभ्mवः यानाः तःजिक हंगु दु।

नेवाः हाइकु ख्यःया नायः सुरेश प्रधानं लसकुस यानादिसे नेपालभाषा साहित्य ख्यलय् हाइकु विधाः चकनाः वंगु, न्यना वंगु, आपालं न्हू न्हूपिं हाइजिनपिं पिलूवःगु धयागु नेवाः हाइकु ख्यः नी स्वंसां निसें खः धकाः धयादिल। लिसें सकल हाइजिनपिं लिसे थुकथं हाइकु ख्यःया बुदिं न्यायेके दया थः लय्ताया च्वना धकाः धयादिल।

ज्याझ्वःया मूपाहां वागमती प्रदेश सरकारया श्रम, रोजगार व यातायात मन्त्री माननीय प्रेम भक्त महर्जनं उलेज्या यानादीसे नेपालभाषा साहित्यय् हाइकु विधाथपू यायेगु ज्याय् नीन्यादं न्ह्यःनिसें अनवरत योगदान यानाः वयाच्वनादीम्ह, नेपालभाषा हाइकुया जातः सपूmया श्रष्टा, हाइजिन कृष्णभक्त बोडेयात दोसल्लां न्ययेकाः, “नेवाःहाइकु हना” द्यछाया हनेगु ज्या जुल।

उगु ज्याभ्mवःस मू पाहां मन्त्री भाजु प्रेमभक्त महर्जनं वागमती प्रदेश सरकारं नेपालभाषाया साहित्य व संस्कृति थपू यायेगु ज्याय् सक्रियजुयाच्वंगु खँ कनादिल। साहित्य ख्यः नं अमूर्त सम्पदा कथं ल्यंकेगु, विकास व प्रवर्धन यायेगु आवश्यक जूगु खँ कुलादिल। आःवइगु आर्थिक दँय् नं थ्व विषयया शिर्षकय् गाक्कं बजेट प्mयायेगु खँ कनादिल।

हना व्यक्तित्व कृष्णभक्त वोडें हाइकुया सिर्जना याइपिं हाइजिन पिंके हाइकुया सैद्धान्तिक पक्षय् दखल दयेमाःगु खँ कनादिल, लिसें नेपालभाषाया हनेवहःपिं हाइजिनपिनिगु थी थी हाइकुया उदाहरण बियाः वय्कलं हाइकु गथे जुल कि जुइधयागु खँ नं कनादिल।

नेपालभाषा एकेदेमिया भाइस चान्सलर लिसें वरिष्ठ समालोचक डा. पुष्पराज राजकर्णिकारं उगु ज्याभ्mवलय् वाचन जूगु हाइकुया समीक्षा यानादीगु खःसा प्रतिभा समाजया नायः लिसें वरिष्ठ हाइजिन वज्रराज शाक्यं बुद्धिं सिबे नं दुनुगलं पिज्वःगु भावयात पित ब्वय् फतधाःसा हाइकु सशक्त जुइ धकाःथःगु खँ तयादिल ।न्हूपिं व पुलांपिं यानाः ३५ म्ह नेपाः व नेपालं पिनेया नेवाःहाइजिन पिसं ब्वतिकयादीगु खः।

Categorized in राष्ट्रिय