प्रधानमन्त्री केपी शर्मा ओलीं दैलेखय् भूमिगत ग्यासया स्रोत लुयावःगुलिं लसता प्वंकादीगु दु।

प्रधानमन्त्री ओलीं थौं सामाजिक सञ्जाल फेसबुकय् थःम्हेस्यां प्रधानमन्त्री जुसांनिसें दैलेखय् पेट्रोलियम पदार्थ अन्वेषण न्ह्याकाबिकागु दिंत लुमंकागु धयादीगु दु।

“दैलेखय् पेट्रोलियम पदार्थया अन्वेषण न्ह्याकाः बलेया दिंत लुमंकाच्वना, समर्थन व विरोध–सः थीथी कथंया पिहांवल” प्रधानमन्त्री ओलीं न्ह्यथनादीगु दु, “११२ अर्ब घनमिटर ग्यास दूगु बुखँ नं उपिं दिंत लुमंकाः ब्यूगु दु, थ्व लसताया बुखँ खः।”

थ्वसिबें न्ह्यः ओली नेतृत्वया सरकारं दैलेखलिसें छुं पहाडी जिल्लाय् पेट्रोलियम अन्वेषणया निंतिं चिनियाँ ग्वाहालिइ भौगर्भिक+ परीक्षण न्ह्याकूगु खः।

Categorized in राष्ट्रिय