प्रतिनिधि सभां विनियोजन विधेयक (बजेट) पारित जूगु दु। मंगलवाः सभाय्  उपप्रधानमन्त्री लिसे अर्थमन्त्री विष्णप्रसाद पौडेलं विनियोजन विधेयक, २०८२ यात पारित यायेमाल धका तःगु प्रस्ताव प्रस्तुत यानादीगु खः।

विधेयकयात सभां बहुमतं पारित याःगु दु। बजेट पारित यागु इलय् राष्ट्रिय स्वतन्त्र पार्टी व राष्ट्रिय प्रजातन्त्र पार्टी धाःसा ब्बति मकागु खः। व स्वया न्ह्यः प्रतिनिधि सभाय् विनियोजन विधेयक, २०८२ य् मन्त्रालयगत शीर्षकय् सांसद तयेगु खर्च कटौतीया दक्को प्रस्ताव अस्वीकृत जुगु खः। बैठकय् निर्णयार्थ न्ह्यब्बःगु २३ सांसदया खर्च कटौतीया प्रस्ताव अस्वीकृत जुगु खः।

सांसद अमरेशकुमार सिंहं पेश याःगु वन लिसे वातावरण, संघीय मामिला लिसे सामान्य प्रशासन, कृषि लिसे पशुपंक्षी विकास, स्वास्थ्य लिसे जनसंख्या, कानून न्याय लिसे संसदीय मामिला, संस्कृति पर्यटन लिसे नागरिक उड्डयन, युवा लिसे खेलकुद, भौतिक पूर्वाधार लिसे यातायात, महिला, बालबालिका लिसे ज्येष्ठ नागरिक, उद्योग, बाणिज्य लिसे आपूर्ति, भूमि व्यवस्था, सहकारी लिसे गरिबी निवारण, खानेपानी, शिक्षा, विज्ञान लिसे प्रविधि, परराष्ट्र, श्रम, रोजगार लिसे सामाजिक सुरक्षा, गृह, सञ्चार लिसे सूचना प्रविधि, अर्थ, शहरी विकास, प्रधानमन्त्री लिसे मन्त्रिपरिषदया कार्यालय सम्बन्धी खर्च कटौतीया प्रस्ताव अस्वीकृत जुगु खः।

Categorized in राजनीति