इरानया राष्ट्रपति मसूद पेजेस्कियनं मंगलवाः झिंन्हुया युद्ध क्वचाःगु दु धका घोषणा यानादीसे दक्को सरकारी निकाय लगायतया संस्थायात पुनर्निर्माणय् थःगु दक्को कुतः जुइ धका धयादीगु दु।

पेजेस्कियनं युद्धविराम लागु जुइ धुका इरानया जनतायात ब्यूगु सन्देशय् धःगु दु, ‘थौ छिकपिनिगु साहस व ऐतिहासिक ग्वहालिं जिमिसं युद्धविराम व इजरायलं इरानविरूद्ध लादं याःगु १२ दिंया युद्ध क्वचायकेत ताःलागु दु।’ इजरायल आणविक सुविधा नष्ट यायेत व आणविक ज्ञानयात कमजोर यायेत नाप सामाजिक उत्तेजना यायेगु लक्ष्य असफल जूगु दु धका धयादीगु खः।

वंगु जुन १३ य् इजरायलं आणविक व सैन्य स्थल इरानया थीथी थासय् हवाई आक्रमण यागुलि वरिष्ठ कमान्डर, आणविक वैज्ञानिक व नागरिकत सीउगु खः। इरानं इजरायलय् मिसाइल व ड्रोन आक्रमण यागु खः।

इरानया आक्रमण लिपा अमेरिकाया राष्ट्रपति डोनाल्ड ट्रम्पं निगु पक्ष दथुइ युद्धविराम मङ्गलवाः निसे सुरु जुइ धका घोषणा याःगु खः। उकियात इरान व इजरायल निगु पक्षं स्वीकार याःगु खः। घोषणा नापं आः युद्धविराम सुरु जुगु दु। 

Categorized in अन्तर्राष्ट्रिय