इटालीया नांजाःगु पर्यटकीय गन्तव्य भेनिसय् अमेरिकाया अर्बपति जेफ बेजोस व लॉरेन सान्चेजया इहिपा सुरु जूगु दु।

हलिमय नांजाःपिं भिआइपि पाहाँ व हलिउडया सेलिब्रिटीत भेनिसय् वनिइगु सुरु जुगु दु। स्वन्हु यंकं जुइगु इहिपा आइतवाःनिसें शनिवाःतक जुइगु अनुमान याःगु दुसा थ्यंमथ्यं २०० म्ह पाहाँपिन्सं अरबपति व अमेजनया संस्थापक व पूर्व पत्रकारया निदँया इहिपाया लसता प्वंकीगु जूगु दु।

इहिपाया कुल खर्च ५ करोड ५६ लाख डलर (७ अर्ब ६३ करोड निग्रो) जुइगु अनुमान याःगु दु । थ्व इहिपापाखें शहरया निंतिं ३ करोड ५१ लाख डलर आम्दानी जुइगु अनुमान याःगु दु। इभान्का ट्रम्प थः मस्तलिसें बुधवाः थ्यंकूगु खः। किम कार्दशियन थः भौ क्लोइ व मां क्रिस जेनरलिसे आइतवाः थ्यंकूगु खः।

इपिं अभिनेता ओर्लान्डो ब्लूमलिसे च्याट यानाच्वंगु खनेदूगु खः।इहिपाया ई न्यंकं ९० गः प्राइभेट जेट व ३० गः वाटर ट्याक्सी छ्यलीगु जूगु दु। २५० म्ह पाहांया नितिं प्यंगू लक्जरी होटलया व्यवस्था यानातःगु दु। जेफ बेजोस व लॉरेन सान्चेजया इहिपायात अन्तर्राष्ट्रिय संचार माध्यमं व्यापक रुपं कभरेज यानाच्वंगु दु।

Categorized in मनोरन्जन