दँय्दसं असोज १५ गतेयात ‘राष्ट्रिय चलचित्र दिवस’ कथं हनीगु जूगु दु। नेपाल चलचित्र विकास बोर्डया २५ क्वःगु वार्षिकोत्सवया झ्वलय् थौं थन ग्वसाः ग्वःगु ज्याझ्वलय् सञ्चार नापं सूचना प्रविधिमन्त्री पृथ्वीसुब्बा गुरुङं उगु घोषणा यानादिल।

असार १३ गते च्वंगु मन्त्रिपरिषद् बैठकं याःगु निर्णय कथं घोषणा जूगु वय्कलं जानकारी बियादिल। “६० दँया गौरवमय इतिहास दूगु झ्वलय् जिमिसं चलचित्र आमाया प्रदर्शनया मितियात ध्यानय् तयाः असोज १५ यात राष्ट्रिय चलचित्र दिवस घोषणा यानागु खः।

थुकिं नेपाःया चलचित्रया इतिहासयात उत्सव कथं हनेगु झ्वःयात मद्दिक न्ह्याकाच्वनी।” उगु झ्वलय् बोर्ड स्थापना जूगु दँ विसं २०५७ सालंनिसें आःतक प्रदर्शन जूगु दक स्वया अप्वो कमे याःगु २५ गू चलचित्रयात हंगु खः।

Categorized in मनोरन्जन