नेपाःया न्हापागु संकिपा ‘आमा’या पोस्टर हुलाक टिकट प्रकाशन जुगु दु। सोमवाः चलचित्र विकास बोर्डं २५ क्वःगु दँमुज्याझ्वलय् उगु घोषणा जुगु खः।

‘आमा’ वि.सं. २०२१ असोजय् प्रदर्शन जुगु नेपाःया न्हापागु संकिपा खः। हिरासिंह खत्रीं निर्देशन याःगु उगु संकिपा शिवशंकर व भुवन चन्दया मू भूमिका यानादीगु खः।

उगु संकिपा नेपाः चलचित्र उद्योगया न्हापागु सुरुवात कयातःगु दु। हुलाक सेवा विभागं झीतका वंगु निगु टिकट प्रकाशन याःगु खः। ‘आमा’या नायक व नायिकाया किपातय् दुगु खः। टिकट न्हापागु दिवसीय आवरणया विशेष ढाँचा तःगु खः।

उगु ज्याझ्वलय् अभिनेत्री भुवन चन्द, चैत्य देवी, बसुन्धरा भुसाल, सञ्चारमन्त्री पृथ्वी सुब्बा गुरुङ, बोर्ड अध्यक्ष दिनेश डिसी व हुलाक सेवा विभागया महानिर्देशक मनमाया भट्टराई पंगेनी पिनिगु ब्बति दुगु खः।

Categorized in मनोरन्जन