थाईल्यान्डया प्रधानमन्त्री पेटोंगटन सिनावात्रायात छगु विवादास्पद फोनकल लिपा मंगलवाः पदपाखे निलम्बन याःगु दु।

सिनावात्रायात आचारसंहिता उल्लंघन याःगु द्धपनय् संवैधानिक अदालतं छानबिन सुरु याःगु दु। ३८ दँ दुम्ह सिनावात्रां झिंला न्ह्यः जक प्रधानमन्त्रीया जिम्मेवारी कःघायादीगु खः। तर कम्बोडियाया पूर्व प्रधानमन्त्री हुन सेननाप गोप्य फोन वार्तां सिनावात्राया पद हे संकटय् लागु खः।

३६ म्ह सांसद तयस ब्यूगु निवेदन लिपा संवैधानिक अदालतं सिनावात्रायात निलम्बन यायेगु निर्णय याःगु खः। आ अदालतया लिपागु फैसला मजुतले सिनावात्रायात प्रधानमन्त्रीया हैसियतं ज्या याये दइमखु।अय्न, मन्त्रीपरिषद ह्यूपा लिपा संस्कृति मन्त्रीया कथं ज्या याये दइ।

फोनकलय् सिनावात्रां सेनयात ‘काका’ धका सम्बोधन यागुलि थः हे सेनापाखे आलोचना जुगु खः। थाइल्यान्डया राष्ट्रहित अःखः व्यवहार याःगु धका तसकं आलोचना याःगु खः।

Categorized in अन्तर्राष्ट्रिय