ललितपुर जिल्ला खेलकूद बिकास समितिया अध्यक्ष बिनोद महर्जनया मूपाहाँसुइ यलया संस्कृतिप्रेमी ल्याम्ह्यपि दथुइ निक्वःगु मानमानेश्वरी फुटसल कप जूगुलि बंगलामुखीं रनर अप टीम भिमसेनयात ३ गोलं पराजित याःगु दु।

ओमेगा टेक्नोलोजी प्रा. लि.या ग्वसालय् उगु कासा थीथी साँस्कृतिक जात्राय् प्रत्यक्ष संलग्न संस्कृतिकर्मी युवा न्यागु पुचलय् ब्बति काःगु खः। मानमानेश्वरी, बंगलामुखी, महालक्ष्मी, चामुण्डा व भिमसेन याना न्यागु पुचलं ब्बति काःगु खः धका फुटसल कासाया संयोजक कोशिस ताम्राकारं जानकारी ब्यूगु खः।

आयोजक नाप निक्वःगु मानमानेश्वरी फुटसल कपया प्रायोजक ओमेगा टेक्नोलोजीया अध्यक्ष साम्राज्य देव श्रेष्ठं सम्पदा संरक्षण निति थुगु कासा वंगु दँनिसे न्ह्यागु धका धयादीगु खः।

मूपाहाँ ललितपुर जिल्ला खेलकूद बिकास समितिया अध्यक्ष बिनोद महर्जनं कासा बिकास यायेगुलि युवापि हे न्ह्याःवनेमाः धका धयादीगु खः।मानमानेश्वरी फुटसल कप न्हापां २०८१ असार ३० गते जुगुलि चामुण्डा बिजयी जुगु खः।

Categorized in कासा