युरोपेली सङ्घ (इयु) व इन्डोनेशिया न स्वतन्त्र व्यापार सम्झौता यायेगु राजनीतिक सहमति जूगु घोषणा याःगु दु। थुगु पलाखं हलियकंया व्यापारय् अमेरिकाया राष्ट्रपति छ्यगू पलाः दथुइ यक्को महत्त्वपूर्ण दुगु बुखँ संस्था एएफपी न धाःगु दु।

ब्रसेल्सय् सञ्चारकःमिनाप खँ ल्हायेगु झ्वलय् ईयू प्रमुख उर्सुला फोन डर लायनं थः आः चुनौतीपूर्ण नाप आर्थिक अनिश्चितता व राजनीतिक अस्थिरताय् दु धका धयादीगु दु। थुगु ई साझेदार तयेसं आः नापं ज्या यायेमाःगु दु धका धयादीगु दु। वयकलं महत्वाकांक्षी स्वतन्त्र व्यापार सम्झौताय् राजनीतिक सहमति जुगु दु धका धयादीगु दु।

युरोपेली सङ्घं २७ गु देय् व दक्षिण एशियाया दक्को देया दकलय् तधःगु अर्थतन्त्र इन्डोनेशिया दथुइ सन् २०१६ निसे व्यापार व लगानी अप्पोकेगुलि सम्झौता यायेत वार्ता जुया वयाच्वंगु खः। युरोपेली आयोगं थुगु सम्झौता तधःगु उपलब्धि जूगु व वइगु सेप्टेम्बरय् थुकिया औपचारिक कथं क्वछिइगु जुइ धका धयादीगु दु।

अमेरिकां भन्सारय् यक्को शुल्क कायेगु धम्की बिइवं युरोपेली सङ्घं हलियकं च्वपि दथुइ महत्त्वपूर्ण साझेदार सम्बन्ध बल्लाकेगु कुतः याःगु खः।

Categorized in अन्तर्राष्ट्रिय