लुम्बिनी बौद्ध विश्वविद्यालय सभाया १८ क्वःगु बैठकं वइगु आर्थिक दँया निंतिं ४९ करौड ५९ लखया बजेट स्वीकृत याःगु दु।

प्रधानमन्त्री निवास, बालुवाटारय् प्रधानमन्त्री नापं कुलपति केपी शर्मा ओलीया अध्यक्षताय् थौं च्वंगु बैठकय् विश्वविद्यालयया रजिष्ट्रार डा तिलकराम आचार्यपाखें न्ह्यब्वयादीगु बजेट स्वीकृत जूगु खः।

विश्वविद्यालयया आःया बेरुजु ०.५ जक जूगु बैठकयात अवगत यानादिल।कुलपति ओलीया निर्देशनय् फुक्क विश्वविद्यालय (प्रतिष्ठान)तय्सं न्हूगु आर्थिक दँ वयेन्ह्यः हे वइगु आर्थिक दँया बजेट व ज्याझ्वः सिनेट बैठकपाखें अनिवार्य स्वीकृतिया निंतिं तुरुन्त सुचं पिकयाः विश्वविद्यालयया सभा तःगु खः।

Categorized in राष्ट्रिय