नेकपा एमालेया वरिष्ठ उपाध्यक्ष ईश्वर पोखरेलं विद्या भण्डारीया सदस्यता नवीकरण याःगु विषय विवाद हे मदु धका धयादीगु दु। भण्डारयात गुकथं जिम्मेवारी बिइगु धइगु सहलह जुइ धका धाःगु दु।

थौ पार्टी कार्यालय च्यासलय् पत्रकार तय्त खँ ल्हायेगु झ्वलय् पोखरेलं अध्यक्ष केपी शर्मा ओलीं म्हिगः बैठकय् भण्डारीया सदस्यता नवीकरण मजुगु धका न्वमवाःगु धका दाबी याःगु दु।

आः पूर्वराष्ट्रपतिं सदस्यताया निति संघर्ष यायेमालि मखुला धका न्यःगु  न्ह्यसलय् वयकलं, ‘संघर्ष याये मालिइगु विषय हे मखु। जिमिगु पार्टीया महासचिवं अन्तर्वार्ताय् आधिकारिक ढंग हे सदस्यता नवीकरण जुइ धुकुगु दु धका धाये धुकुगु दु। वयकलं गये याना लिहावइगु धका जक सहलह जुइगु खः।’

Categorized in राजनीति