थौं सङ्घीय संसद् अन्तर्गतया थी थी प्यंगू संसदीय समितिया बैठक च्वनेत्यंगु दु। क्वःछिनातःगु ई कथं थौं कृषि, सहकारी लिसें प्राकृतिक स्रोत समिति, शिक्षा, स्वास्थ्य लिसें सुचं प्रविधि समिति, विधायन व्यवस्थापन समिति व सङ्घीयता सबलीकरण लिसें राष्ट्रिय सरोकार समितिया बैठक च्वनेत्यंगु दु।

कृषि, सहकारी लिसें प्राकृतिक स्रोत समितिया बैठकय् ‘भूमिसम्बन्धी छुं नेपाः ऐनयात संशोधन यायेत दयेकूगु विधेयक, २०८२’या सम्बन्धय् सङ्घ लिसें प्रदेशय् च्वंगु सरोकारवाला मन्त्राaलय, नेपाल नगरपालिका सङ्घ, गाउँपालिका राष्ट्रिय महासङ्घ नेपाल, भूमि, वन लिसें कानुन ख्यःया विज्ञ व्यक्तित्वपिंनाप सहलह याइगु ज्याधलः दु।

समितिया बैठक न्हिनसिया १२ः३० ताः इलय् थःथःगु ज्याकुथिइ च्वनीगु जूगु दु। शिक्षा, स्वास्थ्य लिसें सुचं प्रविधि समितिया बैठकय् ‘मिडिया काउन्सिल विधेयक, २०८०’ खय् दफावार सहलह याइगु ज्याधलः दु। न्हिनसिया २ः३० ताः इलय् समितिया ज्याकुथिइ हे बैठक च्वनेत्यंगु दु।

अथे हे, विधायन व्यवस्थापन समितिया बैठक न्हिनसिया १ ताः इलय् समितिया ज्याकुथिइ च्वनेत्यंगु दु। समितिया बैठकय् ‘जलस्रोत विधेयक, २०८१’खय् दफावार सहलह याइगु ज्याधलः दु। सङ्घीयता सबलीकरण लिसें राष्ट्रिय सरोकार समितिया बैठकय् ‘ऊर्जा, जलस्रोत लिसें सिँचाइ मन्त्रालयअन्तर्गतया राष्ट्रिय गौरवया आयोजनातय्गु कार्यान्वयन प्रगति अवस्था, समस्या, समस्या समाधानया निंतिं जूगु कुतः व समितिया अपेक्षा’या विषयकय् सहलह जुइत्यंगु दु।

समितिया ज्याकुथिइ सुथसिया ११ ताः इलय् बैठक च्वनेत्यंगु दु।

Categorized in राष्ट्रिय