प्रतिनिधिसभाया सभामुख देवराज घिमिरें नेपाःयात धार्मिक पर्यटकीय लागाया कथं विकास यायेमाः धकाः धयादीगु दु।ख्वपया डोलेश्वर महाद्यःया देगलय् म्हिगः श्रावणी मेलाया २४ क्वःगु डोलेश्वर महाद्यःया पुजा लिसें विमला गङ्गा आरतीइ ब्वति कयादिसें सभामुख घिमिरें डोलेश्वर महाद्यः हिन्दूतय्गु आस्थाया धरोहर जूगु धयादिल।

वय्कलं नेपाःयात धार्मिक पर्यटनया केन्द्रविन्दु दयेकाः हलिंन्यंक पर्यटकतय्त सालाकायेमाःगु धयादिल। ज्याझ्वलय् बागमती प्रदेशया स्वास्थ्यमन्त्री किरण थापां डोलेश्वर महाद्यः हिन्दू तय्गु आस्थाया केन्द्र जुयाः वया च्वंगुलिं थन नेपाःमि जक मखुसें हलिंन्यंक पर्यटक वयेगु यानावया च्वंगु दु धयादिल।

सभामुख घिमिरे व मन्त्री थापां डोलेश्वरय् च्वंगु मानव सेवा आश्रमया अवलोकन यानादिसें थन च्वनाच्वंपिं अनाथ नागरिकया अवस्था व नयेगु त्वनेगुया बारेय् जानकारी कयादीगु खः।

Categorized in राष्ट्रिय