छवाः यंंकं न्ह्याइगु सापारु (गाईजात्रा)या स्वन्हूया न्हि मङ्गलवाः ग्वलय् च्वंगु जयवागेश्वरी देगः लागाय् रोपाइँजात्रा क्वचाःगु दु।

छवाः यंकं न्यायेकीगु सापारु जात्राया स्वन्हूया न्हि भाद्र कृष्ण तृतीयाया दिनय् दँय् दसं ग्वलया जयवागेश्वरी देगः लागाय् थ्व जात्रा न्ह्याइगु याइ। मिजंतय्सं नं मिसाया भेष कयाः बुँज्यामियात नसा त्वँसा इनेगु अभिनय याइगु थ्व जात्रा स्वयेत ग्वलय् म्वःम्वः मनुत थ्यंकेगु याइ।

थ्व दिं मिजंत लिसें मस्तय्सं ग्वल लागाय् सिनाज्या याथें अभिनय यानाः जात्रा न्यायकेकीगु पशुपति क्षेत्र विकास कोष अन्तर्गत अमालकोट कचहरी ज्याकुथिया द्वारे रामकृष्ण डंगोलं धयादिल। सल गयावइपिंसं थ्व जात्राय् अझं न्ह्यैपुकाबिइ। थ्व जात्राय् परम्परागत बुँज्याया व बुँज्यामितय् किचः न्हाय्कंस्वये थें तु खनेदइ।

थ्व जात्रा ग्वल (पशुपति लागा) या भकुङ्त्वाः, जयवागेश्वरी व तिलगङ्गापाखें जात्रा पिकायेगु याना वयाच्वंगु दु।

Categorized in राष्ट्रिय