नेपाल प्रिमियर लिग (एनपीएल) क्रिकेट धेंधेंबल्लाया निक्वःगु संस्करण वइगु मङ्सिय् जुइत्यंगु दु।धेंधेंबल्ला वइगु मङ्सि १ निसें २७ गते तक जुइगु नेपाल क्रिकेट सङ्घ (क्यान)पाखें थौं पिकाःगु प्रेस विज्ञप्तिइ धयातःगु खः।

उगु धेंधेंबल्लाया निंतिं कासामि तय्गु मिनी अक्सन थ्व स्वयांन्ह्यः हे क्वचाये धुंकूगु दु। थगुने मङ्सि १५ गते निसें पुस ६ गत ेतक ग्वसाः ग्वःगु न्हापांगु संस्करणया एनपिएल सफल जुइ धुंकाः निक्वःगु संस्करणय् यक्वसिगु ध्यान आकर्षित जूगु दु।

एनपिएलय् थौंकन्हय् च्यागू टोली दु। गुकिइ विराटनगर किङ्ग्स, जनकपुर बोल्टस्, चितवन राइनोज, काठमाडौँ गुर्खाज, पोखरा एभेञ्जर्स, लुम्बिनी लायन्स, सुदुरपश्चिम रोयल्स व कर्णाली याक्स लाः। एनपिएलया न्हापांगु संस्करणया उपाधि जनकपुर बोल्टसं त्याकूगु खः।

एनपिएलया निक्वःगु संस्करणया तयारी कथं किपुली च्वंगु त्रिभुवन विश्वविद्यालय क्रिकेट मैदानया स्तरोन्नति जुयाच्वंगु दु। थौंकन्हय् प्याराफिट निर्माण यानाच्वंगु खः।

Categorized in कासा