नारायणी अस्पतालय् हैजा सङ्क्रमि ६४म्ह बिरामीपाखे वासः याकाच्वंगु दु। अस्पतालया प्रवक्ता डा उदयनारायण सिंहया कथं उमिगु अवस्था सामान्य दु।

उगु अस्पतालय् थ्वहे भदौ ६ निसें ११ गतेतक २२६ म्ह हैजा बिरामी वःगुलिइ १६२ म्ह वासः याकाः छेँय् लिहांवने धुंकूगु वय्कलं धयादिल। खुम्हेसिया सघन उपचार कक्षय् तयाः वासः यानाच्वंगु दु।

बुधवाः सनिलय् तक ११० म्हेसिया ‘कोलेरा आरडिटी’ याःगुली ४८ म्हेसित हैजा सङ्क्रमण पुष्टि जूगु दु। आरडिटी पोजिटिभ मध्यय् १५ म्हेसिया नमूना ‘कल्चर’या निंतिं प्रादेशिक जनस्वास्थ्य प्रयोगशाला छ्वःगुली १२ म्हेसिके ‘भिब्रिओ कोलेरा’ खनेदूगु खः। 

Categorized in राष्ट्रिय