थःत जेनजी धका धया सरकारी कार्यालयया कर्मचारी तयेत ख्वाच्वं बियाच्वम्ह अर्जुनबहादुर शाही मचानिसे खुँ ज्याय् संलग्न दुगु दु।

प्रहरीं संकलन याःगु विवरण कथं, अछामया पञ्चलदेवल विनायक नगरपालिका–४ छेँ दुम्ह शाहीया परिवार नाप बालागु सम्बन्ध मदगु दु।शाही कक्षा ८ य् ब्बना च्वंगु इलय् साविक कालिका गाविस–९ या तुला बहादुर शाहीया छेँ न स्वम्ह दुकुचा खुया यकूगु द्धपः दु। उगु खुँ ज्याय् मेपिनिम्ह न संलग्न दु।

स्वम्ह मध्ये छम्हेसित ज्वंगु खःस अर्जुन धाःमह उगु इलय् उगु थासं बिस्यू वंगु प्रहरीया प्रारम्भिक अनुसन्धानपाखे लुगु दु। जेनजीया नामय् कर्मचारी तयेत ख्याच्वं बिया च्वंम्ह शाही ठगी व चेक बाउन्सया द्धपः दु। वंगु वैशाखय् इलाम क्षेत्र नम्बर २ या प्रतिनिधिसभा निर्वाचनय् तक उम्मेदवार जुगु खः। डोजर चुनाव चिं कया चुनावय् शाहीं जम्मा ५५ मत काःगु खः।

Categorized in अपराध