शेयर बजाः परिसूचक नेप्से थौ १९ दशमलव ४३ ल्याखं कुहावया २ हजार ५ सय २८ दशमलव १७ विन्दुइ कुहावःगु दु।थौ म्युचल फन्ड, मेमेगु व व्यापार बाहेक दक्को समूहया शेयर कुहावःगु दु।

थौ २ सय १४ गु कम्पनीया शेयर कुहावःगु दु सा ३३ गु कम्पनीया भाः थहावःगु दु। अथेहे न्यागु कम्पनीया शेयर स्थिर जुगु दु। समाज लघुवित्त कम्पनीया शेयर १० प्रतिशतं कुहावःगु दु। समग्र बजाः कुहावःसा शुभम् पावर व ग्रामीण विकास लघुवित्त कम्पनीया शेयर धाःसा १० प्रतिशतं थहावःगु दु। नेप्स नापं कारोबार रकम न थौ कुहावःगु दु।

म्हिगः ४ अर्ब ९७ करोडया कारोबार जुगु खःसा थौ ३ सय १७ गु कम्पनीया ७४ लाख ८८ हजार कित्ता शेयर ३ अर्ब ३६ करोड तका कारोवार जुगु दु।

Categorized in राष्ट्रिय