देयन्यकाया २५ गु उद्योगया लाइन काटे यायेवं थीथी निजी जलविद्युत् आयोजनापाखे उत्पादन जुगु ४ सय ५० मेगावाट सितिकं वनाच्वंगु दु।

आः नेपाल विद्युत् प्राधिकरणयात न्हि ५ करोड स्वया अप्पो घाटा जुयाच्वंगु दु।आः देयन्यक १६ गु जलविद्युत् आयोजनापाखे ४ सय ५० मेगावाट विद्युत् ‘कन्टिन्जेन्सी’ य् दु धका प्राधिकरणयो विद्युत् व्यापार विभागया निर्देशकं धाःगु दु।विद्युत् कन्टिन्जेन्सी धाःसा उत्पादन जूसा नेपाल विद्युत् प्राधिकरणं मन्यागु दु विद्युत् खः।अथेहे तधःगु मात्राय् प्राधिकरणं बिजुली मन्यासा निजी क्षेत्रया जलविद्युत् कम्पनीयात न्हि करिब ६ करोड रुपैयाँ नोक्सान जुयाच्वंगु दु।

प्राधिकरणं ‘डेडिकेटेड’ व ‘ट्रंक लाइन’ विवादं कात्तिक ४ गते निसे थीथी उद्योगया लाइन काटे याःगु खः। सुरुइ खुगु उद्योगया लाइन काटे याःगु खःसा आःतक २५ गु उद्योगया लाइन काटे याये धुकुगु दु।उगु उद्योगपाखे न्हि करिब ३ सय मेगावाट खपत यायेगु याइ।

Categorized in राष्ट्रिय