दीपेन्द्रसिंह ऐरीया अर्धशतीय पारीलिसें नेपालं आइसिसी विश्वकप क्रिकेट लिग–२ य् अमेरिकायात त्याकेत २७२ रनया हाथ्या ब्यूगु दु।

दुबईया आइसिसी एकेडेमीइ न्ह्यानाच्वंगु कासाय् टस बुनाः न्हापां ब्याटिङ याः वःगु नेपालं क्वःछिनातःगु ४९.५ ओभरय् दक्व विकेट छ्वयाः २७१ रन दयेकल। नेपाःया निंतिं ऐरीं दकसिबे अप्वः ७५ रन दयेकल। वं ६७ बलय् निगू चौका व स्वगू छक्का दाल। अथेहे करण केसीं ३१ बलय् निगू चौका व स्वगू छक्काया ग्वाहलिं ४९ रनया महत्वपूर्ण पारी म्हितल।

अथेहे कुशल भुर्तेलं ४७, भीम सार्कीं ४३ नापं कप्तान रोहित पौडेलं ३६ रनया योगदान बिल।अमेरिकाया निंतिं हर्मीत सिंहं स्वगू विकेट काल धाःसा सौरभ नेत्रभल्कर व नोशथुस केन्जिगें समान निगू–निगू विकेट काल। अथेहे जसदीप सिंह व शुभम रन्जानें समान छगू–छगू विकेट काल।

Categorized in कासा