ख्वपया सानोथिमिइ च्वंगु बाल सुधारगृहपाखें नीम्ह बन्दीत ध्वाखा त्वाःथलाः बिस्युं वंगु खः। बन्दीत थौं न्हिनय् सुधारगृहया ध्वाखा त्वाःथलाः बिस्युं वंगु खः।

बिस्युं वंपिंमध्ये आःतक झिंन्याम्हेसित थीथी थासं हाकनं ज्वंगु व ल्यंपिन्त मालाच्वंगु प्रहरी वृत्त थिमिया प्रहरी नायब उपरीक्षक नवराज ढुङ्गानां धयादीगु दु।

थौं सनिलय् तकया दुने ल्यंपिंत ज्वनेगु कथं मालाच्वंगु वय्कलं धयादीगु दु।सुधारगृहय् क्षमतासिबें निदुगं बन्दीत दूगु व बाल सुधारगृह धाःसां ल्याय्म्हत नापं बन्दीया कथं थन हे तयातःगुलिं इलय् ब्वलय् सुधारगृहय् ल्वापु व तोडफोड जुइगु यानाच्वंगु दु।

Categorized in अपराध