राष्ट्रिय युवा सङ्घ नेपालं येँ महानगरपालिकाया प्रमुख बालेन्द्र साहविरुद्ध नेपाल प्रहरीया साइबर ब्युरोय् उजुरी तःगु दु।प्रमुख साहं छन्हु निन्हु न्ह्यः नेपालय् प्रमुख दल, जःलाखःलालिसें मित्रराष्ट्रविरुद्ध सामाजिक सञ्जालय् च्वःगु विषययात साइबर कानुन अन्तर्गत कारबाही यायेत भोटाहिटीइ च्वंगु ब्युरोया ज्याकुथिइ वनाः सङ्घं थौं उजुरी तःगु खः।

सङ्घया न्वकू महाराज गुरूङं थःपिंसं ब्युरोया प्रमुख प्रहरी नायब महानिरीक्षक नवीन्द अर्यालयात नापलाना उजुरी तयागु व वय्कःपिंसं कानुनी अवस्था अध्ययन यानाः निर्णय याये धयादीगु जानकारी बियादिल।

Categorized in राष्ट्रिय