नेत्री झाँक्री व छेँ लिहाँवा राष्ट्रिय अभियान अन्तर्गत थौं नेपाल कम्युनिष्ट पार्टी (एकीकृत समाजवादी) या नेत्री रामकुमारी झाँक्री, किसान श्रेष्ठलिसेंया नेता कार्यकर्तात नेपाल कम्युनिष्ट पार्टी (एमाले)य् लिहाँवःगु दु।

राष्ट्रियसभा गृहय् थौं ग्वसाः ग्वंगु ‘छेँ लिहाँवा राष्ट्रिय अभियान घोषणा’ ज्याझ्वलय् नेकपा (एमाले) या नायः केपी शर्मा ओलीं नेत्री झाँक्री, किसान श्रेष्ठलिसेंपिंत एमालेय् लसकुस यानादिल।एमालेया ज्याकुथिया छ्याञ्जे डा भीष्म अधिकारीं ‘छेँ लिहाँवाः राष्ट्रिय अभियान घोषणा’ यानाः सुरुआत जक जूगु व देय् न्यंकं थ्व अभियान न्ह्यानाच्वनीगु धयादिल।

एमाले नायः ओलीं छन्हु निन्हु न्ह्यः न्हापा एमाले त्वःतावंपिंत पार्टीइ लिहाँवयेत आह्वान यानादीगु खः। उगु हे आह्वान कथं छेँ लिहाँवाः अभियान अन्तर्गत थौं १५० स्वयां अप्वः नेता कार्यकर्ता एमालेय् दुहाँवःगु धाःगु खः।

Categorized in राष्ट्रिय