राष्ट्रपति रामचन्द्र पौडेलयात नेपाःया निंतिं नवनियुक्त राजदूतपिंसं थःथःगु ओहोदाया दसिपौ पेस याःगु दु।राष्ट्रपति भवनय् थौं ग्वसाः ग्वगु बिस्कंबिस्कंगु विशेष समारोहय् वय्कःपिंसं थःथःगु ओहोदाया  दसिपौ पेस याःगु राष्ट्रपतिया ज्याकुथिं धाःगु खः।

नेपाःया निंतिं उज्वेकिस्तानया राजदूत सर्दोर मिर्जायुसुपोभिच रुस्तामबायेभ, रोमानियाया राजदूत सेना लतिफ, ताजिकिस्तानया राजदूत लुक्मोर बोबोकालोन्जोदा, आइसल्याण्डया राजदूत बेनेडिक्ट हेओस्कुल्द्सन व क्युवाया राजदूत हुवान कार्लोस मार्सान अगुइलेरां ओहोदाया दसिपौ लःल्हाःगु खः।

उगु समारोहय् नेपाल सरकारया उच्च पदस्थ अधिकारीतय्गु तकं ब्वति दूगु खः। नवनियुक्त राजदूतपिंत लाजिम्पाटंनिसें राष्ट्रपति भवन तक रिसल्ला लिसेंया बग्गीइ सवार याकूगु खः।

Categorized in राष्ट्रिय