नेपाल चिकित्सक संघ (एनएमए) या ३० क्वःगु कार्यकारिणी समितिया निति चिकित्सकपि चुनावी मैदानय् कुहावःगु दु।

संघया निर्वाचनय् निगु पुचः प्रजातान्त्रिक व प्रगतिशील दथुइ चुनावी मैदानय् कुहावःगु दु। केन्द्रीय निर्वाचनया निति प्रगतिशील विचारधारया डा.मंगल रावलया नेतृत्व पुचलं दक्को प्यानलय् उम्मेदवारी दर्ता याःगु दु।

अध्यक्ष पदय् डा.मंगल रावल व वरिष्ठ उपाध्यक्ष पदय् डा.कीर्तिपाल सुवेदी उम्मेदवार ब्यूगु दु। अथेहे उपाध्यक्ष व प्रदेश संयोजक पदय् कोशी प्रदेशपाखे डा.टंक बाराकोटी, मधेश प्रदेशपाखे डा.उदय नारायण सिंह, बागमती प्रदेशपाखे डा.अरुण शाही, लुम्बिनी प्रदेशपाखे डा.सन्तोष पोखरेल, गण्डकी प्रदेशपाखे डा.यज्ञराज सिग्देल, कर्णाली प्रदेशपाखे डा. रविन खड्का व सुदूरपश्चिम प्रदेशपाखे डा. निरज अर्यालं उम्मेदवारी ब्यूगु दु।

अथेहे केन्द्रीय पदाधिकारीपाखे महासचिवय् डा.कालुसिंह खत्री, कोषाध्यक्षय् डा.चन्दनी जयसवाल, सहसचिवय् डा.रामजीवन प्रसाद व सहकोषाध्यक्षय् डा.सुवास गुरुङ ंउम्मेदवार ब्यूगु दु।दुजलय् डा.अमित झा, डा.अरुण उप्रेती, डा.निराजन तामाङ, डा.जेविना अन्सारी, डा.दिक्षा बोहरा व डा. पल्पसा श्रेष्ठं उम्मेदवारी दर्ता याःगु दु। संघया निर्वाचन कथं स्वनिगःपिने २ व ३ माघ नाप स्वनिगलय १५, १६ व १७ माघय् मतदान जुइ।

Categorized in राष्ट्रिय