भरतरपुर महानगर प्रमुख दाहालपाखे राजीनामा
लहनान्युज | सिल्लाथ्व दुतीया ११४६, माघ ६ बिहीवाः
भरतपुर महानगरपालिकाया प्रमुख रेनु दाहालं थौं राजीनामा बियादीगु दु। वय्कलं उपप्रमुख चित्रसेन अधिकारीयात राजीनामा पत्र लःल्हानादीगु खः।
दाहालं प्रतिनिधिसभा निर्वाचनय् उम्मेदवारी बिइगु निंतिं महानगर प्रमुखया पदपाखें राजीनामा बियादीगु खः। नेपाली कम्युनिष्ट पार्टीपाखें चितवन क्षेत्र नं ३ या उम्मेदवार जुयादीत्यंम्ह दाहालं कार्यपालिकाया बैठक लिपा थःगु निगूगु कार्यकालय् आःतक ग्वाहालियाःपिं सकसितं सुभाय् देछानादिल।
दाहालया राजीनामालिसें उपप्रमुख चित्रसेन अधिकारी कार्यवाहक प्रमुख जुयादीगु दु। अधिकारीं दाहालया नेतृत्वय् याये ल्यंदनीगु ज्यायात प्राथमिकता बिइगु धयादिल।
Categorized in राष्ट्रिय
