बरिष्ठ पत्रकार सुरेश किरण मानन्धर मदुगु १३ दिं या पूण्यतिथिइ हेटौँडाय् शोकसभा जुगु दु। भाषा आयोगया दुजः मानन्धर वंगु फागुन २५ गते हृदयघात जुया मदुगु खः।

हेटौँडाय् नेवाः समुदायया थीथी खलः, पुचः पदाधिकारीया उपस्थितिइ शोकसभा जुगु खः। शोकसभा याये न्ह्यः हेटौँडा–२ स्थित संगमचोकय् मुनां श्रद्धाञ्जली व्यानर ज्वना हरिकुञ्जरोड, कान्तिराजपथ, बुद्धचोक, पिपलबोट चोक जुया हेटौँडा–२ स्थित मन्त्र होटलय् शोकसभा जुगु खः।

मदुम्ह मानन्धर हेटौँडा वापौ प्रकाशन यायेगु निति ज्वःमदुगु ग्वहालि यानादीम्ह खः।

Categorized in राष्ट्रिय