येँ महानगरपालिकाया कार्यवाहक प्रमुख सुनिता डंगोलं फ्रान्सया कान्सय् जुगु थुगु दँया फिल्म फेस्टिभल नेपाःया निति ऐतिहसिक जुगु दु धका धाःगु दु।

फेस्टिभलय् ब्बति कया थौ शनिवाः लिहा वयेगु झ्वलय् त्रिभुबन विमानस्थलय् सञ्चारकर्मी नाप खँ ल्हायेगु झ्वलय् डंगोलं फेस्टिभलया इतिहासय् नेपाः चलचित्र ख्यलय् थ्व न्हापागु महत्वपूर्ण व ऐतिहासिक जुगु दु धका धयादीगु खः।फेस्टिभलय् अविनाश विक्रम शाह न निर्देशन याःगु नेपाःया संकिपा ‘इलिफेन्ट इन द फग’ न अनसर्टेन रिगार्ड विधाय् ‘जुरी प्राइज’ काःगुलि रचनात्मक उद्योग व कला ख्यःयात थकायेगु ज्या जुगु दु धका धयादीगु खः।

‘सिर्जनशील ख्यलय् ‘वान टाइम प्रोग्राम’ जक मजुसे संस्थागत कथं जिमिसं नीतिगत सहलह न्ह्याकगु दु। भ्रमणया झ्वलय् थीथी शहरया प्रतिनिधि नापलायेगु झ्वलय् येँ  न महानगरपालिकां थ्व न्हापागु पटक ‘काठमाडौं फिल्म फेस्टिभल’ ग्वसाः ग्वये त्यनागु दु धका जानकारी यानागुलि वयकःपि उत्साहित जुगु दु,’ कार्यवाहक प्रमुख डंगोलं धयादीगु दु। फ्रान्सया कान्स नगरया मेयर डेभिड लिसनार्डया ब्बनाय् फ्रान्स झायादीम्ह डंगोलं मेयर लिसनार्डयात येँं चलचित्र महोत्सवय् ब्बति कायेत इनाप यानागु धका धयादीगु खः।

Categorized in मनोरन्जन