वरिष्ठ पत्रकार किशोर श्रेष्ठयात प्रहरीं निगरानी यासे धरपकड यायेगु कुतः जुगुलि नाप थीथी मनूतय्स धम्की बिइगु ज्यायात नेवाः पत्रकार राष्ट्रिय दबूया ध्यानाकर्षण जुगु दु धका दबूया महासचिव छगू बिज्ञप्ती प्रकाशन याःगु दु।

बुखँ च्वगू हे आधारय् पत्रकार तय्त जुइगु थज्यागु गतिविधि स्वतन्त्र प्रेस व लोकतन्त्रय् प्रहार जुगु दु धका दबूया महासचिव केके मानन्धरं थौ छगू प्रेस विज्ञप्तिइ जारी याना अथे धयातःगु दु।

अथेहे जनआस्था साप्ताहिक नाप जनआस्था डटकमय् मन्त्री नाप सत्तारुढ दलया नेतासम्बन्धी आलोचनात्मक बुखँ प्रकाशित यायेवं प्रधान सम्पादक श्रेष्ठयात अथे व्यवहार यानाच्वंगु खः।

Categorized in राष्ट्रिय