फिफा विश्वकप फुटबल धेंधेंबल्ला अन्तर्गत थौं जूगु कासाय् आइभरी कोस्टयात बुकाः नर्वे लिपांगु १६ गूगुलय् थ्यंगु दु।अमेरिकाया डलास रङ्गशालाय् जूगु कासाय् नर्वेनं आइभरी कोस्टयात २–१ गोलअन्तरं बुकल।

नर्वेया निंतिं धेंधेंबल्लाया ३९ गूगु मिनटेय् एन्टोनियो नुसां गोल यात। कासाया ७४ गूगु मिनेटय् आइभरी कोस्टया निंतिं अमाद डियाल्लों गोल यानाः कासा बराबरीइ हल। उकिया लिपा कासाया ८६ गूगु मिनटेय् एर्लिङ हल्याण्डं गोल यानाः नर्वेयात २–१ गोलं न्ह्यने लाकल। उकिया लिपा छुं नं गोल मजुल व नर्वे कासा त्यानाः लिपांगु १६ गूगु पुचलय् थ्यन।

आः मेगु कासा नर्वेनं ब्राजिलनाप म्हितीगु जूगु दु।थौं हे लिपांगु–३२ या धेंधेंबल्लाय् फ्रान्स व स्विडेन दथुइ कासा जूगु दुसा मेक्सिको व इक्वेडोर दथुइ नापं धेंधेंबल्ला जूगु दु।

Categorized in कासा